Hönnun

Við bjóðum upp á heildstæða hönnunarþjónustu á sviði mannvirkjagerðar sem byggir á nákvæmni, reynslu og skýrum vinnubrögðum. Við hönnun er sérstaklega horft til öryggis- og umhverfismála.

Við vinnum með lykilaðilum að því að móta heildarsýn á verkefnið, greinum þarfir og útfærum lausnir sem mæta væntingum og standast lög og reglur.

Við komum að hönnun mannvirkja frá frumhugmynd að fullbúnum lausnum. Við leggjum áherslu á að gögn verkefnis séu greinargóð og aðgengileg og eigum markviss samskipti við alla aðila verkefnisins.

Yfirlit þjónustu

Greining hugmynda og þarfa – Við greinum markmið, þarfir og væntingar viðskiptavina og skilgreinum helstu forsendur verkefnis.

Samstarf og samhæfð vinna - Við vinnum lausnir út frá virku samstarfi við viðskiptavini, hönnuði, byggingaryfirvöld og aðra hagsmunaaðila til að tryggja skýrleika og árangur.

Öryggi, umhverfi, hagkvæmni og notagildi - Við höfum öryggi, umhverfi, kostnað og notagildi lausna að leiðarljósi í öllu ferlinu og á líftíma verkefnins.

Samræming og lausnir - Við vekjum athygli á mögulegu misræmi milli hönnuða eða annarra aðila sem getur haft áhrif á framgang verkefnis og leitum viðeigandi lausna í samstarfi með aðilum verkefnis.

Skýr framsetning niðurstaðna - Við setjum niðurstöður hönnunar fram á skýran og skiljanlegan hátt þannig að framkvæmdaaðilar og aðrir sérfræðingar geti án vandkvæða lagt mat á verkefnið og kostnað þess.

Stuðningur á framkvæmdatíma - Við veitum faglegan stuðning á framkvæmdatíma, svörum fyrirspurnum og bregðumst við athugasemdum með skjótum og skilvirkum hætti, sem stuðlar að góðri framvindu.